Click on a word to bring up parses, dictionary entries, and frequency statistics
20. . . Romano more,1 sella eburnea posita, ius
dicebat disceptabatque controversias minimarum
rerum.
[2]
adeoque nulli fortunae adhaerebat animus
per omnia genera vitae errans, uti nec sibi nec aliis
quinam homo esset satis constaret.
[3]
non adloqui
amicos, vix notis familiariter arridere, munificentia
inaequali sese aliosque ludificari; quibusdam2 [p. 248]
honoratis magnoque aestimantibus se puerilia, ut3 escae aut lusus, munera dare, alios nihil expectantes ditare.
[4]
itaque nescire quid sibi vellet4 quibusdam videri; quidam ludere eum simpliciter, quidam haud dubie insanire aiebant.5
[5]
in duabus tamen magnis honestisque rebus vere regius erat animus, in urbium donis et deorum cultu.
[6]
megalopolitanis in Arcadia murum se circumdaturum urbi est pollicitus maioremque partem pecuniae dedit; Tegeae theatrum6 magnificum e marmore facere instituit;
[7]
cyzici in7 prytaneo—id est penetrale urbis, ubi publice, quibus is honos datus est, vescuntur—vasa aurea mensae unius posuit. Rhodiis ut8 nihil unum insigne, ita omnis generis, ut quaeque usus eorum postulaverunt, dona dedit.
[8]
magnificentiae vero in deos vel Iovis Olympii templum Athenis, unum in terris incohatum pro magnitudine dei, potest testis9 esse;
[9]
sed et Delum aris insignibus statuarumque copia exornavit, et Antiochiae Iovis Capitolini magnificum templum, non laqueatum auro tantum, sed parietibus totis lammina inauratum, et alia multa in aliis locis pollicitus, quia perbreve tempus regni eius fuit, non perfecit.
[10]
spectaculorum quoque omnis generis magnificentia [p. 250] superiores reges vicit, reliquorum sui moris et copia10 Graecorum artificum;
[11]
gladiatorum munus, Romanae consuetudinis, primo maiore cum terrore hominum, insuetorum ad tale spectaculum, quam voluptate dedit;
[12]
deinde saepius dando et modo volneribus tenus, modo sine missione, etiam11 familiare oculis gratumque id spectaculum fecit, et armorum studium12 plerisque iuvenum accendit.
[13]
itaque qui primo13 ab Roma magnis pretiis14 paratos gladiatores accersere solitus erat, iam suo. . . .15 Scipio16 inter peregrinos.
1 Romano more muretus: more V, cuiius quaternio V periit praeter f. 10.
2 quibusdam Fr.: qvibvs V.
3 A.U.C. 579
4 quid sibi vellet Fr.: qvidsividbivellet (sic) V.
5 insanire aiebant Fr.: inseanebant (sic) V.
6 Tegeae theatrum Fr.: thegetea V.
7 in add. Fr.
8 ut add. freinsheim.
9 testis add. Fr.
10 A.U.C. 579
11 etiam Madvig: etiamet V.
12 studium Fr.: stvdiorvm V.
13 qui primo Fr.: primoqvi.
14 pretiis kreyssig: praedis V.
15 a suo desinit V: vid. quae dixi supra de Romano more, xx. 1.
16 Scipio Sigonius: pio V, f. llr sic incipiens.
Livy. Books XL-XLII With An English Translation. Cambridge. Cambridge, Mass., Harvard University Press; London, William Heinemann, Ltd. 1938: published without copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.