Click on a word to bring up parses, dictionary entries, and frequency statistics
16. Latinae feriae fuere ante diem tertium nonas
Maias, in quibus quia in una hostia magistratus
Lanuvinus precatus non erat populo Romano Quiritium, religioni fuit.
[2]
id cum ad senatum relatum
esset senatusque ad pontificum collegium reiecisset,
pontificibus, quia non recte factae Latinae essent,
instaurari Latinas1 placuit, Lanuvinos, quorum opera instaurandae2 essent, hostias praebere.
[3]
accesserat ad religionem, quod3 Cn. Cornelius consul ex monte Albano rediens concidit et, parte membrorum captus ad Aquas Cumanas profectus ingravescente morbo Cumis decessit.
[4]
sed inde mortuus Romam allatus
et funere magnifico elatus sepultusque est.
[5]
pontifex
idem fuerat. consul Q. Petilius cum primum per
auspicia posset, college subrogando comitia habere
iussus et Latinas edicere, comitia in ante4 diem tertium nonas Sextiles, Latinas5 in ante diem tertium idus Sextiles edixit.
[6]
plenis religionum animis prodigia insuper nuntiata: Tusculi facem in caelo visam, Gabiis aedem Apollinis et privata aedificia complura, Graviscis murum portamque de caelo tacta. ea6 patres procurari uti pontifices censuissent iusserunt. [p. 234]
[7]
dum consules primum religiones, deinde alterum7 alterius mors et comitia et Latinarum instauratio8 impediunt, interim C. Claudius exercitum ad Mutinam quam Ligures priore anno ceperant admovit.
[8]
intra9 triduum quam oppugnare coeperat, receptam ex hostibus colonis restituit. octo milia ibi Ligurum intra muros caesa; litteraeque Romam extemplo scriptae, quibus non modo rem exponeret, sed etiam
gloriaretur sua virtute ac felicitate neminem iam cis
Alpes esse10 hostem populi Romani,11 agrique aliquantum captum, qui multis milibus hominum dividi viritim posset.
1 instaurari Latinas Vahlen: instavratislatinis V.
2 instaurandae Drakenborch: instavrati V.
3 quod add. Fr.
4 ante add. Sigonius.
5 Latinas add. Fr.
6 tacta. ea Fr.: tactae V.
7 A.U.C. 578
8 instauratio kreyssig: instavratione V.
9 intra Perizonius: ante V.
10 esse add. Weissenborn.
11 populi Romani ed. lugdunensis 1553: pro V.
Livy. Books XL-XLII With An English Translation. Cambridge. Cambridge, Mass., Harvard University Press; London, William Heinemann, Ltd. 1938: published without copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.