[16]
itaque P. Apuleius, tribunus plebis,
meorum omnium consiliorum periculorumque iam inde a
consulatu meo testis, conscius, adiutor, dolorem ferre non
potuit doloris mei: contionem habuit maximam populo
Romano unum atque idem sentiente. in qua contione
cum me pro summa nostra coniunctione et familiaritate
liberare suspicione fascium vellet, una voce cuncta contio
declaravit nihil esse a me umquam de re publica nisi optime
cogitatum. post hanc habitam contionem duabus tribusve
horis optatissimi nuntii et litterae venerunt: ut idem dies
non modo iniquissima me invidia liberarit1 sed etiam celeberrima
populi Romani gratulatione auxerit.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 liberaret codd.: corr. Manutius
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.