[87]
quid ego rerum capitalium quaestiones,
reorum pactiones, redemptiones, acerbissimas damnationes,
libidinosissimas liberationes proferam? tantum
locum aliquem cum mihi notum esse senseris, tecum ipse
licebit quot in eo genere et quanta sint crimina recordere.
quid? illam armorum officinam ecquid recordaris, cum
omni totius provinciae pecore compulso pellium nomine
omnem quaestum illum domesticum paternumque renovasti?
videras enim grandis iam puer bello Italico repleri
quaestu vestram domum, cum pater armis faciendis tuus
praefuisset. quid? vectigalem populi Romani provinciam,
singulis rebus quaecumque venirent certo portorio imposito,
servam tuis publicanis a te factam esse meministi?
quid?
This text is part of:
Search the Perseus Catalog for:
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.