[23]
sed omitto Catonem,
cuius eximia virtus, dignitas, et in eo negotio quod gessit
fides et continentia tegere videretur improbitatem et legis
et actionis tuae: quid1? homini post homines natos turpissimo,
sceleratissimo, contaminatissimo quis illam opimam
fertilemque Syriam, quis bellum cum2 pacatissimis gentibus,
quis pecuniam ad emendos agros constitutam, ereptam ex
visceribus aerari3, quis imperium infinitum dedit? cui quidem
cum Ciliciam dedisses, mutasti pactionem et Ciliciam
ad praetorem item extra ordinem transtulisti: Gabinio pretio
amplificato Syriam nominatim dedisti. quid? homini
taeterrimo, crudelissimo, fallacissimo, omnium scelerum libidinumque
maculis notatissimo, L. Pisoni, nonne nominatim
populos liberos, multis senatus consultis, etiam recenti lege
generi4 ipsius liberatos, vinctos et constrictos tradidisti?
nonne, cum ab eo merces tui benefici pretiumque provinciae
meo sanguine tibi esset persolutum, tamen aerarium
cum eo partitus es?
This text is part of:
Search the Perseus Catalog for:
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.