This text is part of:
Search the Perseus Catalog for:
Click on a word to bring up parses, dictionary entries, and frequency statistics
2. Iam vero si effectus eius damnaque intueri velis,
nulla pestis humano generi pluris stetit. Videbis
caedes ac venena et reorum mutuas sordes et urbium
clades et totarum exitia gentium et principum sub
civili hasta capita venalia et subiectas tectis faces nec
intra moenia coercitos ignes sed ingentia spatia regio-
num hostili flamma relucentia.
[2]
Aspice nobilissimarum
civitatum fundamenta vix notabili a ; has ira deiecit.
Aspice solitudines per multa milia sine habitatore
desertas ; has ira exhausit. Aspice tot memoriae
proditos duces mali exempla fati ; alium ira in cubili
suo confodit, alium intra sacra mensae iura percussit,
alium intra leges celebrisque spectaculum fori lancinavit, alium filii parricidio dare sanguinem iussit,
alium servili manu regalem aperire iugulum, alium
in cruce membra distendere.
[3]
Et adhuc singulorum
supplicia narro ; quid, si tibi libuerit relictis in quos
ira viritim exarsit aspicere caesas gladio contiones et
plebem immisso milite contrucidatam et in perniciem
promiscuam totos populos capitis damnatos ... 1
[p. 112]
[4]
tamquam aut curam nostram deserentibus aut
auctoritatem contemnentibus. Quid ? Gladiatoribus
quare populus irascitur et tam inique, ut iniuriam
putet, quod non libenter pereunt ? Contemni se
iudicat et vultu, gestu, ardore a spectatore in ad-
versarium vertitur.
[5]
Quicquid est tale, non est ira,
sed quasi ira, sicut puerorum, qui si ceciderunt,
terram verberari volunt et saepe ne sciunt quidem,
cur irascantur, sed tantum irascuntur, sine causa et
sine iniuria, non tamen sine aliqua iniuriae specie
nec sine aliqua poenae cupiditate. Deluduntur itaque
imitatione plagarum et simulatis deprecantium
lacrimis placantur et falsa ultione falsus dolor tollitur.
1 damnatos restored by Madvig, after which a leaf or more of tlte us. has been lost.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.