Click on a word to bring up parses, dictionary entries, and frequency statistics
32.
Pleraque eorum quae rettuli quaeque referam parva
forsitan et levia memoratu videri non nescius sum: sed
nemo annalis nostros cum scriptura eorum contenderit qui
veteres populi Romani res composuere. ingentia illi bella,
expugnationes urbium, fusos captosque reges, aut si quando
ad interna praeverterent, discordias consulum adversum
tribunos, agrarias frumentariasque leges, plebis et optimatium certamina libero egressu memorabant: nobis in arto
et inglorius labor; immota quippe aut modice lacessita
pax, maestae urbis res et princeps proferendi imperi incuriosus erat. non tamen sine usu fuerit introspicere illa
primo aspectu levia ex quis magnarum saepe rerum motus
oriuntur.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.