Click on a word to bring up parses, dictionary entries, and frequency statistics
21.
Trucidatis tot insignibus viris ad postremum Nero
virtutem ipsam excindere concupivit interfecto Thrasea
Paeto et Barea Sorano, olim utrisque infensus et accedentibus causis in Thraseam, quod senatu egressus est
cum de Agrippina referretur, ut memoravi, quodque Iuvenalium ludicro parum spectabilem operam praebuerat; eaque offensio altius penetrabat, quia idem Thrasea Patavi,
unde ortus erat, ludis †cetastis† a Troiano Antenore institutis habitu tragico cecinerat. die quoque quo praetor
Antistius ob probra in Neronem composita ad mortem
damnabatur, mitiora censuit obtinuitque; et cum deum
honores Poppaeae decernuntur sponte absens, funeri non
interfuerat. quae oblitterari non sinebat Capito Cossutianus, praeter animum ad flagitia praecipitem iniquus Thraseae quod auctoritate eius concidisset, iuvantis Cilicum
legatos dum Capitonem repetundarum interrogant.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.