Click on a word to bring up parses, dictionary entries, and frequency statistics
11.
Ergo nuntiat patri abicere spem et uti necessitate:
simul adfertur parari cognitionem senatus et trucem sententiam. nec defuere qui monerent magna ex parte heredem
Caesarem nuncupare atque ita nepotibus de reliquo consu-
lere. quod aspernatus, ne vitam proxime libertatem actam
novissimo servitio foedaret, largitur in servos quantum
aderat pecuniae; et si qua asportari possent, sibi quemque
deducere, tres modo lectulos ad suprema retineri iubet.
tunc eodem in cubiculo, eodem ferro abscindunt venas,
properique et singulis vestibus ad verecundiam velati balineis inferuntur, pater filiam, avia neptem, illa utrosque
intuens, et certatim precantes labenti animae celerem exitum, ut relinquerent suos superstites et morituros. servavitque ordinem fortuna, ac seniores prius, tum cui prima
aetas extinguuntur. accusati post sepulturam decretumque
ut more maiorum punirentur, et Nero intercessit, mortem
sine arbitro permittens: ea caedibus peractis ludibria adiciebantur.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.