Click on a word to bring up parses, dictionary entries, and frequency statistics
26.
Vt Cremonam venere, novum immensumque opus
occurrit. Othoniano bello Germanicus miles moenibus Cremonensium castra sua, castris vallum circumiecerat eaque
munimenta rursus auxerat. quorum aspectu haesere victores, incertis ducibus quid iuberent. incipere obpugnationem
fesso per diem noctemque exercitu arduum et nullo iuxta
subsidio anceps: sin Bedriacum redirent, intolerandus tam
longi itineris labor, et victoria ad inritum revolvebatur: munire castra, id quoque propinquis hostibus formidolosum, ne
dispersos et opus molientis subita eruptione turbarent. quae
super cuncta terrebat ipsorum miles periculi quam morae
patientior: quippe ingrata quae tuta, ex temeritate spes;
omnisque caedes et vulnera et sanguis aviditate praedae pensabantur.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.