Click on a word to bring up parses, dictionary entries, and frequency statistics
3.
Conditorem templi regem Aeriam vetus memoria, quidam ipsius deae nomen id perhibent. fama recentior tradit
a Cinyra sacratum templum deamque ipsam conceptam mari
huc adpulsam; sed scientiam artemque haruspicum accitam
et Cilicem Tamiram intulisse, atque ita pactum ut familiae
utriusque posteri caerimoniis praesiderent. mox, ne honore
nullo regium genus peregrinam stirpem antecelleret, ipsa
quam intulerant scientia hospites cessere: tantum Cinyrades
sacerdos consulitur. hostiae, ut quisque vovit, sed mares
deliguntur: certissima fides haedorum fibris. sanguinem arae
obfundere vetitum: precibus et igne puro altaria adolentur,
nec ullis imbribus quamquam in aperto madescunt. simulacrum deae non effigie humana, continuus orbis latiore initio
tenuem in ambitum metae modo exurgens, set ratio in obscuro.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.