Click on a word to bring up parses, dictionary entries, and frequency statistics
Gnaeus Iulius Agricola, vetere et inlustri Foroiuliensium
colonia ortus, utrumque avum procuratorem Caesarum
habuit, quae equestris nobilitas est. pater illi Iulius Graecinus senatorii ordinis, studio eloquentiae sapientiaeque
notus, iisque ipsis virtutibus iram Gai Caesaris meritus:
namque Marcum Silanum accusare iussus et, quia abnuerat,
[2]
interfectus est. mater Iulia Procilla fuit, rarae castitatis. in
huius sinu indulgentiaque educatus per omnem honestarum
[3]
artium cultum pueritiam adulescentiamque transegit. arcebat eum ab inlecebris peccantium praeter ipsius bonam integramque naturam, quod statim parvulus sedem ac magistram
studiorum Massiliam habuit, locum Graeca comitate et provinciali parsimonia mixtum ac bene compositum.
[4]
memoria teneo solitum ipsum narrare se prima in iuventa studium
philosophiae acrius, ultra quam concessum Romano ac
senatori, hausisse, ni prudentia matris incensum ac flagrantem animum coercuisset.
[5]
scilicet sublime et erectum
ingenium pulchritudinem ac speciem magnae excelsaeque
gloriae vehementius quam caute adpetebat. mox mitigavit
ratio et aetas, retinuitque, quod est difficillimum, ex sapientia
modum.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.