Click on a word to bring up parses, dictionary entries, and frequency statistics
Consularium primus Aulus Plautius praepositus ac subinde Ostorius Scapula, uterque bello egregius: redactaque
paulatim in formam provinciae proxima pars Britanniae,
[2]
addita insuper veteranorum colonia. quaedam civitates
Cogidumno regi donatae (is ad nostram usque memoriam
fidissimus mansit), vetere ac iam pridem recepta populi
Romani consuetudine, ut haberet instrumenta servitutis et
[3]
reges. mox Didius Gallus parta a prioribus continuit, paucis
admodum castellis in ulteriora promotis, per quae fama aucti
officii quaereretur. Didium Veranius excepit, isque intra
[4]
annum extinctus est. Suetonius hinc Paulinus biennio
prosperas res habuit, subactis nationibus firmatisque praesidiis; quorum fiducia Monam insulam ut vires rebellibus
ministrantem adgressus terga occasioni patefecit.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.