C. Valerius Flaccus, Argonautica
Otto Kramer, Ed.

Dat procul interea signum Neptunus, et una
monstriferi mugire sinus Sigeaque pestis
adglomerare fretum, cuius stellantia glauca
500lumina nube tremunt, atque ordine curva trisulco
[p. 49] fulmineus¹ quatit ora fragor, pelagoque remenso
cauda redit, passosque sinus² rapit ardua cervix.
illam incumbentem per mille volumina pontus
prosequitur lateri adsultans, trepidisque ruentem
505litoribus sua cogit hiems. non fluctibus aequis
nubiferi venit unda Noti, non Africus alto
tantus ovat patriisque manus cum plenus habenis
Orion bipedum flatu mare tollit equorum.
ecce ducem placitae furiis crudescere pugnae
510surgentemque toris stupet immanemque paratu
Aeacides pulsentque graves ut terga pharetrae.
ille patrem pelagique deos suaque arma precatus
insiluit scopulo, motumque e sedibus aequor
horruit et celsi³ spatiosa volumina monstri.
515qualis ubi a gelidi Boreas convallibus Hebri
tollitur et volucres Riphaea per ardua nubes
praecipitat piceo necdum tenet omnia⁴ caelo,
illa⁵ simul molem horrificam scopulosaque terga
promovet ingentique umbra subit. intremere Ide⁶
520inlidique rates pronaeque resurgere turres.⁷
occupat Alcides arcum totaque pharetrae
nube premit. non illa magis quam sede movetur⁸
magnus Eryx, deferre velint quem vallibus imbres.
iam brevis et telo volucri non utilis aer.
525tum vero fremitus vanique insania coepti
et tacitus pudor et rursus pallescere virgo.
proicit arma manu, scopulos vicinaque saxa
respicit, et quantum ventis adiuta⁹ vetustas
impulerit pontive fragor,¹⁰ tantum abscidit imi
530concutiens a sede maris. iamque agmine toto
pistris adest miseraeque inhiat iam proxima praedae.
[p. 50] stat mediis elatus aquis recipitque ruentem
Alcides saxoque prior surgentia colla
obruit; hinc vastos nodosi roboris ictus
535congeminat, fluctus done defertur¹¹ in imos
iam totis resoluta vadis; Idaeaque mater
et chorus et summis ulularunt¹² collibus Amnes.
protinus e scopulis et opaca valle resurgunt
pastores magnisque petunt clamoribus urbem.
540nuntius hinc socios Telamon vocat, ac simul ipsi
horrescunt subitoque vident in sanguine puppem.
nec minus in scopulos crudique cacumina saxi
emicat Alcides vinclisque tenentibus aufert
virgineas de rupe manus aptatque superbis
545arma umeris. regem inde petens superabat ovante¹³
litora tuta gradu, qualis per pascua victor
ingreditur, tum colla¹⁴ tumens, tum celsior armis
taurus, ubi adsueti pecoris stabula alta revisit
et patrium nemus¹⁵ et bello quos ultus amores.

550Obvia cui contra longis emissa tenebris
turba Phrygum¹⁶ parvumque trahens cum coniuge natum
Laomedon; iam maestus equos, iam debita posci
dona gemit. pars aerii fastigia muri
cingit et ignotis iuvenem mirantur in armis.
555illum torva tuens atque acri lubricus astu
rex subit et patrio fatur male laetus amore:
'maxime Graiugenum, quem non Sigea petentem¹⁷
litora nec nostrae miserantem funera Troiae
adpulit his fors ipsa locis, si vera parentem
560fama Iovem summique tibi genus esse Tonantis,¹⁸
noster ades iunctisque venis: sator unus et idem
stirpis honos, quamquam longis disiungimur oris.
quot mihi post lacrimas, post quanta piacula patrum
[p. 51] serus ades, quam parva tuis iam gloria factis.
565verum age nunc socios fraternis moenibus infer;¹⁹
crastina lux biiuges stabulis ostendat apertis.'
dixerat haec tacitusque dolos dirumque volutat
corde nefas, clausum ut thalamis somnoque gravatum
immolet et rapta ludat²⁰ responsa pharetra;
570namque bis Herculeis deberi Pergama telis
audierat. Priami sed quis iam vertere regnis
fata queat? manet immotis nox †turica†²¹ lustris
et genus Aeneadum et Troiae melioris honores.
'nos' ait 'ad Scythici' Tirynthius 'ostia ponti
575raptat iter; mox huc vestras revehemur ad oras
donaque dicta feram.' turn vero plura vocatis²²
adnuit²³ ille deis. promissa infida tyranni
iam Phryges et miserae flebant discrimina Troiae.