This text is part of:
Search the Perseus Catalog for:
Click on a word to bring up parses, dictionary entries, and frequency statistics
[4]
Si tam demens placiturum consilium erat,
cur non potius in turba fugimus? PORCI
LATRONIS. In hoc scilicet morati sumus, ut agmen
fugientium cogeremus. Rumori terga uertitis:
sciamus saltem qualis sit iste quem fugimus. Vix
uictoria dedecus elui potest; ut omnia fortiter fiant,
feliciter cadant, multum tamen nomini nostro
detractum est: iam Lacones an fugeremus
deliberauimus. Vtinam moriamur! quantum ad me quidem
pertinet, post hanc deliberationem nihil aliud timeo,
quam ne reuertar. Arma nobis fabulae excutiunt.
Nunc, nunc pugnemus: latuisset uirtus inter
trecenos. Ceteri quidem fugerunt. si me quidem
interrogatis ut quid sentiam, et in nostrum et in
Graeciae patrocinium loquar:
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.