Idaeo quales fudit de vertice floresIn hoc gramine pariter compositi mille osculis lusimus, quaerentes voluptatem robustam ...
terra parens, cum se concesso2 iunxit amori
Iuppiter et toto concepit pectore flammas:
emicuere rosae violaeque et molle cyperon,
albaque de viridi riserunt lilia prato:
talis humus Venerem molles clamavit in herbas,
candidiorque dies secreto favit amori.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
[127]
Delectata illa risit tam blandum, ut videretur
mihi plenum os extra nubem luna proferre. Mox digitis gubernantibus vocem “Si
non fastidis” inquit “femi[p. 282] nam ornatam et hoc
primum anno virum expertam, concilio tibi, o iuvenis, sororem. Habes tu quidem
et fratrem, neque enim me piguit inquirere, sed quid prohibet et sororem
adoptare? Eodem gradu venio. Tu tantum dignare et meum osculum, cum libuerit,
agnoscere.”
“Immo” inquam ego “per formam tuam te rogo, ne fastidias hominem
peregrinum inter cultores admittere. Invenies religiosum, si te adorari
permiseris. Ac ne me iudices ad hoc templum Amoris gratis accedere, dono tibi
fratrem meum.”
“Quid? tu”1 inquit illa “donas mihi eum, sine quo non potes vivere, ex
cuius osculo pendes, quem sic tu amas, quemadmodum ego te volo?” Haec
ipsa cum diceret, tanta gratia conciliabat vocem loquentis, tam dulcis sonus
pertemptatum mulcebat aëra, ut putares inter auras canere Sirenum
concordiam. Itaque miranti et toto mihi caelo clarius nescio quid relucente libuit
deae nomen quaerere. “Ita” inquit “non dixit tibi ancilla mea me
Circen vocari? Non sum quidem Solis progenies, nec mea mater, dum placet,
labentis mundi cursum detinuit. Habebo tamen quod caelo imputem, si nos fata
coniunxerint. Immo iam nescio quid tacitis cogitationibus deus agit. Nec sine
causa Polyaenon Circe amat: semper inter haec nomina magna fax surgit. Sume ergo
amplexum, si placet. Neque est[p. 284] quod curiosum aliquem extimescas:
longe ab hoc loco frater est.” Dixit haec Circe, implicitumque me
brachiis mollioribus pluma deduxit in terram vario gramine indutam.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.