Click on a word to bring up parses, dictionary entries, and frequency statistics
1. L. Postumius Albinus M. Popilius Laenas1 consules2 cum omnium primum de provinciis et3 exercitibus ad senatum rettulissent,
[2?]
Ligures utrique decreti sunt, ut novas ambo quibus eam provinciam obtinerent legiones—binae singulis decretae—et socium Latini nominis dena milia peditum et sescenos4 equites, et supplementum Hispaniae tria milia peditum Romanorum scriberent et ducentos equites.
[3]
ad hoc mille et quingenti pedites Romani cum centum equitibus5 scribi iussi, cum quibus praetor cui Sardinia obtigisset in Corsicam transgressus bellum gereret;
[4]
interim M. Atilius, vetus praetor,
[5]
provinciam obtineret Sardiniam. praetores deinde provincias sortiti sunt, A. Atilius Serranus urbanam, C. Cluvius Saxula inter cives et peregrinos, N.6 Fabius Buteo Hispaniam citeriorem, M. Matienus ulteriorem, M. Furius Crassipes Siciliam, C. Cicereius Sardiniam.
[6]
priusquam in provincias7 magistratus proficiscerentur, senatui placuit, L. Postumium consulem ad agrum publicum a privato terminandum [p. 294] in Campaniam ire, cuius ingentem modum possidere8 privatos paulatim proferendo fines constabat.
[7]
hic iratus Praenestinis, quod, cum eo privatus9 sacrificii10 in templo Fortunae faciendi causa profectus esset, nihil in se honorifice neque publice neque privatim factum a Praenestinis esset, priusquam ab Roma proficisceretur, litteras Praeneste misit ut sibi magistratus obviam exiret, locum publice pararent11 ubi deverteretur, iumentaque cum exiret inde praesto essent.12
[8]
ante hunc consulem nemo umquam sociis in ulla re oneri aut sumptui fuit.
[9]
ideo magistratus mulis tabernaculisque et omni alio instrumento militari ornabantur, ne quid tale imperarent sociis.
[10]
privata hospitia habebant; ea benigne comiterque colebant, domusque eorum Romae hospitibus patebant, apud quos ipsis deverti mos esset.
[11]
legati qui repente aliquo13 mitterentur singula iumenta per oppida, iter qua faciendum erat, imperabant; aliam impensam socii in magistratus Romanos non faciebant.
[12]
ira14 consulis etiamsi iusta, non tamen in magistratu [p. 296] exercenda, et silentium nimis15 aut modestum aut16 timidum17 praenestinorum ius, velut18 probato exemplo, magistratibus fecit graviorum in dies talis generis imperiorum.
1 A.U.C. 581
2 consules add. luchs om. V.
3 et add. Vahlen: exsercitibus V.
4 sescenos Drakenborch: sescentos V.
5 equitibus Fr.: equitibus CC V
6 N. Sigonius: cn. V
7 provincias add. kreyssig om. V.
8 A.U.C. 580
9 privatus Fr.: priuatas V.
10 inter privatus(-as) et sacrificii, iterum paulatim—priuatus (sic) scripsit V, quae del. Fr.
11 pararent hertz: pararet V.
12 essent Fr.: esset V.
13 aliquo Fr.: aliquod V.
14 ira schel: iniuria V.
15 nimis Fr.: minis V.
16 A.U.C. 581
17 timidum Fr.: tumidum V.
18 ius velut Fr.: iussu velut V.
Livy. Books XL-XLII With An English Translation. Cambridge. Cambridge, Mass., Harvard University Press; London, William Heinemann, Ltd. 1938: published without copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.