Click on a word to bring up parses, dictionary entries, and frequency statistics
44. tribunicia primum comitia sunt habita.1 creati tribuni consulari potestate omnes patricii, L.
Quinctius Cincinnatus tertium2 L. Furius3 Medullinus iterum M. Manlius4 A. Sempronius Atratinus.
[2]
hoc tribuno comitia quaestorum habente petentibusque inter aliquot plebeios filio A. Antisti5 tribuni plebis et fratre alterius tribuni plebis Sex. pompili, nec potestas nec suffragatio horum valuit quin quorum patres avosque consules viderant eos nobilitate praeferrent.
[3]
furere omnes tribuni plebi, ante omnes Pompilius Antistiusque, repulsa suorum accensi. quidnam id rei esset?6
[4]
non suis beneficiis, non patrum iniuriis, non denique ius usurpandi7 libidine, cum liceat quod ante non licuerit, si non tribunum militarem, ne quaestorem quidem quemquam ex plebe factum!
[5]
non valuisse patris pro filio, fratris pro fratre preces, tribunorum plebis, potestatis sacrosanctae ad auxilium libertatis creatae. fraudem profecto in re esse, et A. Sempronium comitiis plus artis adhibuisse quam fidei. eius iniuria queri suos honore deiectos.
[p. 400]
[6?]
itaque cum in ipsum et innocentia tutum et8 magistratu, in quo tunc erat, impetus fieri non posset, flexere iras in C. Sempronium, patruelem Atratini, eique ob ignominiam Volsci belli adiutore collega M. Canuleio diem dixere.
[7]
subinde ab iisdem tribunis mentio in senatu de agris dividendis inlata est, cui actioni semper acerrime C. Sempronius restiterat, ratis,9 id quod erat, aut deposita causa leviorem futurum apud patres reum aut perseverantem sub iudicii tempus plebem offensurum.
[8]
adversae invidiae obici maluit et suae nocere causae quam publicae deesse;
[9?]
stetitque in eadem sententia ne qua largitio, cessura in trium gratiam tribunorum, fieret; nec tum agrum plebi, sed sibi invidiam quaeri; se quoque subiturum eam tempestatem forti animo; nec senatui tanti se civem aut quemquam alium debere esse, ut in parcendo uni malum publicum fiat.
[10]
nihilo demissiore animo, cum dies venit, causa
ipse10 pro se dicta, nequiquam omnia expertis patribus ut mitigarent plebem, quindecim milibus aeris damnatur.
[11]
eodem anno Postumia virgo Vestalis de incestu
causam dixit crimine innoxia, ab suspicione11 propter
[p. 402]
cultum amoeniorem ingeniumque liberius quam12 virginem decet parum abhorrens.
[12]
eam13 ampliatam, deinde absolutam pro collegii sententia pontifex maximus abstinere iocis colique sancte potius quam scite iussit. eodem anno a Campanis Cumae, quam
Graeci tum urbem tenebant, capiuntur.
[13]
insequens annus tribunos militum consulari
potestate habuit Agrippam Menenium Lanatum P.
Lucretium Tricipitinum Sp. Nautium Rutulum14 ,
1 A.U.C. 334-335
2 tertium ς: tertio (or -cio) ω.
3 L. Furius Sigonius (chap. xxv. § 5, and chap. xxv. § 1, and C.I.L. i2, p. 112): sextus (or sex.) furius ω.
4 Manlius ς (C.I.L. ibid.): mallius ω
5 A. Antisti Luterbacher: antisti (or -ii) ω: antistiit D.
7 ius usurpandi karsten: usurpandi ω.
8 A.U.C. 334-335
10 causa ipse A2 (or A1) ς: causa ipsa U: causa ipsa ipse PEHDLA: causa ipse sa ipse M.
11 ab suspicione Gronovius: ob suspicionem (-tionem RD) ω.
12 A.U.C. 334-335
13 eam M2: eam am M: famam (omitted by P) ω.
14 Rutulum Conway (cf. chap. xxxv. § 4): rutilium MA2: omitted by ω.
Livy. Books III and IV With An English Translation. Cambridge. Cambridge, Mass., Harvard University Press; London, William Heinemann, Ltd. 1922.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.