Click on a word to bring up parses, dictionary entries, and frequency statistics
24. secundum triumphum consularia comitia
habita. creati consules L. Furius Purpurio et M.
Claudius Marcellus.
[2]
praetores postero die facti Q.
Fabius Buteo, Ti. Sempronius Longus, Q. Minucius
[p. 342]
Thermus, M'. Acilius Glabrio, L. Apustius Fullo,1 C. Laelius.
[3]
exitu ferme anni litterae a T. Quinctio venerunt se
signis collatis cum rege Philippo in Thessalia pugnasse,
hostium exercitum fusum fugatumque.
[4]
hae litterae
prius in senatu a M.2 Sergio praetore, deinde ex auctoritate patrum in contione sunt recitatae et ob
res prospere gestas in dies quinque supplicationes
decretae.
[5]
brevi post legati et ab T. Quinctio et ab
rege Philippo venerunt. Macedones deducti extra
urbem in villa publicam, ibique eis locus et lautia
praebita et ad aedem Bellonae senatus datus.
[6]
ibi
haud multa verba facta, cum Macedones quodcumque
senatus censuisset id regem facturum esse dicerent.
[7]
decem legati more maiorum, quorum ex consilio
T. Quinctius imperator leges pacis Philippo daret,
decreti, adiectumque ut in eo numero legatorum
P. Sulpicius et P. Villius essent, qui consules provinciam Macedoniam obtinuissent.
[8]
cosanis eo die postulantibus ut sibi colonorum
numerus augeretur,
[9?]
mille adscribi iussi, dum ne quis
in eo numero esset qui post P. Cornelium et Ti.
Sempronium consules hostis fuisset.
[p. 344]
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.