Click on a word to bring up parses, dictionary entries, and frequency statistics
49. tum obsides civitatium Hispaniae vocari
iussit; quorum quantus numerus fuerit piget scribere, quippe cum1 alibi trecentos ferme, alibi tria milia2 septingentos viginti quattuor fuisse inveniam. aeque et alia inter auctores discrepant.
[2]
praesidium Punicum alius decem, alius septem, alius haud plus
quam duum milium fuisse scribit. capta alibi
decem milia capitum,3 alibi supra quinque et viginti invenio.4
[3]
scorpiones maiores minoresque ad sexaginta captos scripserim, si auctorem Graecum sequar Silenum; si Valerium Antiatem, maiorum scorpionum sex milia, minorum tredecim5 milia; adeo nullus mentiendi modus est.
[4]
ne de ducibus quidem convenit. plerique Laelium praefuisse classi, sunt
qui M. Iunium Silanum dicant;
[5]
arinen praefuisse
Punico praesidio deditumque Romanis Antias Valerius,
Magonem alii scriptores tradunt.
[6]
non de numero
navium captarum, non de pondere auri atque argenti
et redactae pecuniae6 convenit. si aliquis adsentiri [p. 188] necesse est, media simillima7 veri8 sunt.
[7]
ceterum9 vocatis obsidibus primum universos bonum animum habere iussit:
[8]
venisse enim10 eos in populi Romani potestatem, qui beneficio quam metu obligare homines malit exterasque gentis fide ac societate iunctas habere quam tristi subiectas servitio.
[9]
deinde acceptis nominibus civitatium recensuit captivos, quot cuiusque populi essent, et nuntios domum misit ut ad suos quisque recipiendos veniret.
[10]
si quarum forte civitatium legati aderant, eis praesentibus suos restituit; ceterorum curam benigne tuendorum C. Flaminio quaestori attribuit.
[11]
inter haec e media turba obsidum mulier magno
natu, Mandonii uxor, qui frater Indibilis Ilergetum
reguli erat, flens ad pedes imperatoris procubuit
obtestarique coepit ut curam cultumque feminarum
impensius custodibus commendaret.
[12]
cum Scipio
nihil defuturum iis11 profecto diceret, tum rursus mulier “haud magni ista facimus” inquit; “quid
enim huic fortunae non satis est? alia me cura
aetatem harum intuentem—nam ipsa iam extra periculum iniuriae muliebris sum—stimulat.”
[13]
et12 aetate
et forma florentes circa eam Indibilis filiae erant
aliaeque13 nobilitate pari, quae omnes eam pro parente colebant.
[14]
tum Scipio “meae populique Romani disciplinae causa facerem” inquit “ne quid
[p. 190]
quod sanctum usquam esset apud nos violaretur;14
[15]
nunc ut id curem inpensius vestra quoque virtus dignitasque facit, quae ne in malis quidem oblitae decoris matronalis estis.”
[16]
spectatae deinde integritatis viro tradidit eas, tuerique haud secus verecunde ac modeste quam hospitum coniuges ac matres iussit.
1 cum A3JK Froben 2: ubi P(1) (A?）n Aldus.
2 tria milia (∞ ∞ ∞）PC: om. by the rest.
3 alibi decem milia capitum A3NxJK Aldus, Froben: om. P(1)N, a lost line.
4 invenio A3N3JK Aldus, Froben: -ias P: -ias or -ies (1).
5 tredecim Gronovius: decem tria P(3)N: decem et tria AN2: XIII DA3JK Aldus, Froben: decem et tria AN2; cf. crit. note on XXVII. xxix. 8.
6 redactae pecuniae P(1) NJK Aldus: -ta -nia Sp Froben 2, Conway.
7 simillima P(1)NJK Aldus: similia Sp Froben 2.
8 veri M1BSp Froben 2: veris DANJK Aldus: veneris P(3).
9 A.U.C. 544
10 enim A3N3JK: om. by the rest.
11 iis Sp: his N3: om. P(3)NJK Aldus, Froben 2.
12 stimulat. et PC: stimulat C4(3)N3JK: simul Sp Froben 2 (with angit inserted above after alia me): animum stimulat z Aldus.
13 filiae erant aliaeque SpN3 Froben 2: filiaeque PC: filii aeque (3)N?.
14 A.U.C. 544
Livy. Books XXVI-XXVII With An English Translation. Cambridge. Cambridge, Mass., Harvard University Press; London, William Heinemann, Ltd. 1943: no copyright notice.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.