Click on a word to bring up parses, dictionary entries, and frequency statistics
63. inter haec bella manente discordia domi1 consules T. Numicius Priscus A. Verginius facti.
[2]
non ultra videbatur latura plebes dilationem agrariae legis, ultimaque vis parabatur, cum Volscos
adesse fumo ex incendiis villarum fugaque agrestium
cognitum est. ea res maturam iam seditionem ac
prope erumpentem repressit.
[3]
consules, coacti extemplo ab senatu, ad bellum educta ex urbe iuventute tranquilliorem ceteram plebem fecerunt.
[4]
et
hostes quidem, nihil aliud quam perfusis vano timore
Romanis, citato agmine abeunt:
[5]
Numicius Antium
adversus Volscos, Verginius contra Aequos profectus.
ibi ex insidiis prope magna accepta clade virtus
militum rem prolapsam neglegentia consulis restituit.
melius in Volscis imperatum est;
[6]
fusi primo proelio
hostes fugaque in urbem Antium, ut tum res erant,
opulentissimam, acti. quam consul oppugnare non
ausus, Caenonem, aliud oppidum nequaquam tam
opulentum, ab Antiatibus cepit.
[7]
dum Aequi Volscique Romanos exercitus tenent, Sabini usque ad
portas urbis populantes incessere. deinde ipsi paucis
post diebus ab duobus exercitibus, utroque per iram
consule ingresso in finis, plus cladium quam intulerant acceperunt.
[p. 428]
1 A.U.C. 285
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.