Click on a word to bring up parses, dictionary entries, and frequency statistics
15. Sp. Larcius inde et T. Herminius, P. Lucretius1 inde et2 P. Valerius Publicola consules facti. eo
anno postremum legati a Porsinna de reducendo in
regnum Tarquinio venerunt. quibus cum responsum
esset missurum ad regem senatum legatos, missi confestim honoratissimus quisque e patribus:
[2]
non quin
breviter reddi responsum potuerit non recipi reges,
ideo potius delectos patrum ad eum missos quam
legatis eius Romae daretur responsum, sed ut in perpetuum mentio eius rei finiretur, neu in tantis mutuis beneficiis in vicem animi sollicitarentur, cum ille
peteret quod contra libertatem populi Romani esset,
[p. 268]
Romani, nisi in perniciem suam faciles esse vellent,3 negarent, cui nihil negatum vellent.
[3]
non in regno populum Romanum sed in libertate esse. ita induxisse in animum, hostibus potius quam regibus
portas patefacere; ea esse vota4 omnium ut qui libertati erit in illa urbe finis, idem urbi sit.
[4]
proinde si salvam esse vellet Romam, ut patiatur liberam esse orare.
[5]
rex verecundia victus “quando id certum atque obstinatum est,” inquit, “neque ego
obtundam saepius eadem nequiquam agendo, nec
Tarquinios spe auxilii, quod nullum in me est, frustrabor. alium hinc, seu bello opus est seu quiete,
exilio quaerant locum, ne quid meam vobiscum pacem
distineat.”
[6]
dictis facta amiciora adiecit: obsidum
quod reliquum erat reddidit, agrum Veientem foedere ad ianiculum icto ademptum restituit.
[7]
Tarquinius spe omni reditus incisa exsulatum ad
generum Mamilium Octavium Tusculum abiit.
Romanis pax fida5 cum Porsinna fuit.
1 A.U.C. 247-248
2 Sp. Larcius inde et T. Herminius, P. Lucretius inde et madvig: the name Larcius is not in the MSS.; his praenomen is added to that of Lucretius or put in its place; T. Herminius is missing in the best MSS.; Dion. Hal. v. 36, and Cassiodorius give only the names of Sp. Larcius and T. Hermenius, and Mommsen (C.I.L. i2. p. 99) therefore deletes the others. see note in Conway and Walters.
3 A.U.C. 247-248
4 ea esse vota hertz; earn ea esse vota esse voluntatem P: eam esse voluntatem ω.
Livy. Books I and II With An English Translation. Cambridge. Cambridge, Mass., Harvard University Press; London, William Heinemann, Ltd. 1919.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.