Click on a word to bring up parses, dictionary entries, and frequency statistics
[69]
quamquam, o di boni, quid est in hominis natura
diu? da enim supremum tempus; exspectemus
Tartessiorum regis aetatem—fuit enim, ut scriptum
video, Arganthonius quidam Gadibus, qui octoginta
regnaverat annos, centum viginti vixerat—sed mihi
ne diuturnum quidem quicquam videtur, in quo est
aliquid extremum; cum enim id advenit, tum illud,
quod praeteriit, effluxit; tantum remanet, quod
virtute et recte factis consecutus sis. horae quidem
cedunt et dies et menses et anni, nec praeteritum
tempus umquam revertitur nec quid sequatur sciri
potest. quod cuique temporis ad vivendum datur,
eo debet esse contentus.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.