Click on a word to bring up parses, dictionary entries, and frequency statistics
[62]
Iam vero quid vos illa delectat explicatio fabularum
et enodatio nominum?
exsectum a filio Caelum, vinctum itidem a filio Saturnum, haec et alia generis eiusdem ita defenditis, ut i qui ista finxerunt non modo
non insani sed etiam fuisse sapientes videantur. in [p. 143]
enodandis autem nominibus quod miserandum sit laboratis: "Saturnus quia se saturat annis, Mavors quia
magna vertit, Minerva quia minuit aut quia minatur,
Venus quia venit ad omnia, Ceres a gerendo". quam
periculosa consuetudo. in multis enim nominibus haerebitis: quid Veiovi facies quid Volcano? quamquam,
quoniam Neptunum a nando appellatum putas, nullum
erit nomen quod non possis una littera explicare unde
ductum sit; in quo quidem magis tu mihi natare visus
es quam ipse Neptunus.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.