Click on a word to bring up parses, dictionary entries, and frequency statistics
[42]
Quamquam quem potissimum Herculem colamus
scire sane velim;
pluris enim tradunt nobis i qui interiores
[p. 134]
scrutantur et reconditas litteras, antiquissimum
Iove natum—sed item Iove antiquissimo, nam Ioves
quoque pluris in priscis Graecorum litteris invenimus:
ex eo igitur et Lysithoe est is Hercules quem concertavisse cum Apolline de tripode accepimus. alter traditur Nilo natus Aegyptius, quem aiunt Phrygias litteras
conscripsisse. tertius est ex Idaeis Digitis, cui inferias
adferunt †cui. quartus Iovis est et Asteriae Latonae
sororis, qui Tyri maxime colitur, cuius Carthaginem
filiam ferunt, quintus in India qui Belus dicitur, sextus
hic ex Alcmena quem Iuppiter genuit, sed tertius Iuppiter, quoniam ut iam docebo pluris Ioves etiam accepimus.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.