Click on a word to bring up parses, dictionary entries, and frequency statistics
“
[51]
Maxume vero sunt admirabiles motus earum quinque stellarum quae falso vocantur errantes;
nihil enim
errat quod in omni aeternitate conservat progressus
et regressus reliquosque motus constantis et ratos. quod
eo est admirabilius in is stellis quas dicimus, quia tum
occultantur tum rursus aperiuntur, tum adeunt tum
recedunt, tum antecedunt tum autem subsecuntur, tum
celerius moventur tum tardius, tum omnino ne moventur quidem sed ad quoddam tempus insistunt. quarum
ex disparibus motionibus magnum annum mathematici nominaverunt, qui tum efficitur cum solis et lunae
et quinque errantium ad eandem inter se comparationem confectis omnium spatiis est facta conversio;
”
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.