Click on a word to bring up parses, dictionary entries, and frequency statistics
“
[45]
Restat ut qualis eorum natura sit consideremus;
in
quo nihil est difficilius quam a consuetudine oculorum
aciem mentis abducere ea difficultas induxit et vulgo
imperitos et similes philosophos imperitorum, ut nisi
figuris hominum constitutis nihil possent de dis inmortalibus cogitare; cuius opinionis levitas confutata
a Cotta non desiderat orationem meam. Sed cum talem
esse deum certa notione animi praesentiamus, primum
ut sit animans, deinde ut in omni natura nihil eo sit
praestantius, ad hanc praesensionem notionemque nostram nihil video quod potius accommodem quam ut
primum hunc ipsum mundum, quo nihil excellentius
fieri potest, animantem esse et deum iudicem.
”
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.