Click on a word to bring up parses, dictionary entries, and frequency statistics
“
[42]
Cum igitur aliorum animantium ortus in terra sit
aliorum in aqua in aere aliorum, absurdum esse Aristoteli videtur in ea parte quae sit ad gignenda animantia aptissima animal gigni nullum putare. sidera
autem aetherium locum optinent; qui quoniam tenuissimus est et semper agitatur et viget, necesse est [p. 65]
quod animal in eo gignatur id et sensu acerrumo et
mobilitate celerrima esse. quare cum in aethere astra
gignantur, consentaneum est in his sensum inesse et
intellegentiam, ex quo efficitur in deorum numero astra
esse ducenda. Etenim licet videre acutiora ingenia et
ad intellegendum aptiora eorum qui terras incolant eas
in quibus aer sit purus ac tenuis quam illorum qui
utantur crasso caelo atque concreto.
”
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.