Click on a word to bring up parses, dictionary entries, and frequency statistics
“
[89]
Et tu quidem Vellei non vestro more sed dialecticorum, quae funditus gens vestra non novit, angustia
[p. 35]
argumenti sententiam conclusisti. Beatos esse
deos sumpsisti: concedimus. beatum autem esse
sine virtute neminem posse: id quoque damus, et
libenter quidem. virtutem autem sine ratione constare non posse: conveniat id quoque necesse est.
Adiungis nec rationem esse nisi in hominis figura.
quem tibi hoc daturum putas? si enim ita esset, quid
opus erat te gradatim istuc pervenire? sumpsisses tuo
iure. quod autem est istuc gradatim? nam a beatis ad
virtutem, a virtute ad rationem video te venisse gradibus; a ratione ad humanam figuram quo modo accedis? praecipitare istuc quidem est, non descendere.
”
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.