Click on a word to bring up parses, dictionary entries, and frequency statistics
[55]
Oratorem vero irasci minime decet, simulare non dedecet.12 an tibi irasci tum videmur,
cum quid in causis acrius et vehementius dicimus?
quid? cum iam rebus transactis et praeteritis orationes scribimus, num irati scribimus? “ecquis3 hoc animadvertit?45 vincite!”—num aut egisse umquam iratum
Aesopum aut scripsisse existimas6 iratum Accium?
aguntur ista praeclare, et ab oratore quidem melius,
si modo est orator,7 quam ab ullo histrione,8 sed aguntur leniter et mente tranquilla.
Libidinem vero laudare cuius est libidinis?9 Themistoclem mihi et Demosthenen10 profertis, additis Pythagoran Democritum Platonem. quid? vos studia
libidinem11 vocatis? quae vel optimarum rerum, ut ea [p. 389]
sunt quae profertis, sedata tamen et12 tranquilla esse
debent. Iam aegritudinem laudare, unam rem maxime
detestabilem, quorum est tandem philosophorum? at13
commode dixit Afranius: “dum modo doleat aliquid,14
doleat15 quidlibet.16” dixit enim de adulescente perdito
ac dissoluto, nos autem de constanti viro ac sapienti17
quaerimus. et quidem ipsam illam iram centurio habeat aut signifer vel ceteri, de quibus dici non necesse
est, ne rhetorum aperiamus mysteria. utile est enim
uti motu18 animi, qui uti ratione non potest. nos autem,
ut testificor saepe, de sapiente quaerimus.19
1 simulare n. dedecet om. V
2 decet X
4 Accius Atr. 233
5 animadvortet de orat. 3, 217 M (animum advertit L), quod hic quoque fort. restituendum
6 existimamus KR
7 est orator melius G1
8 istrione X (str. G1）
9 lubid. GRKc
10 demostenen X proferri G1
11 libidine GK
12 et add. G2
13 ad KR
14 fr. 409 cf. p. 383, 13
15 doleat lateat G1
16 quidlibet hic X
17 sapienti ex -e V1
18 utinmotu K1
19 quoque (item post Afranii versum）
Tusculanae Disputationes. M. Tullius Cicero. M. Pohlenz. Leipzig. Teubner. 1918.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.