Click on a word to bring up parses, dictionary entries, and frequency statistics
[70]
minis utilitati agros omnis et maria parentia—: haec
igitur et alia innumerabilia cum cernimus, possumusne
dubitare quin is1 praesit aliquis vel effector, si haec
nata sunt,2 ut Platoni videtur, vel, si semper fuerunt, [p. 253]
ut Aristoteli placet, moderator tanti operis et muneris?3
sic mentem hominis, quamvis eam non videas, ut deum4
non vides, tamen, ut deum adgnoscis56 ex operibus eius,
sic ex memoria rerum et inventione et celeritate motus omnique78 pulchritudine virtutis vim divinam mentis adgnoscito.9
In quo igitur loco est? credo equidem in capite
et cur credam adferre possum. sed alias, ubi10 sit animus; certe quidem in te est.11 quae est eius12 natura? propria, puto, et sua. sed fac igneam, fac spirabilem:13 nihil ad id de quo agimus. illud modo videto, ut deum
noris, etsi eius ignores et locum et14 faciem,15 sic animum
tibi tuum notum esse oportere, etiamsi ignores et locum et formam.
1 is H his GKRV
2 sînt K1
3 numeris K1
4 non videas ut deum add. G1 in mg.
5 adgn. G (3 agdn.) KR
6 agn. V agn. H
7 omniaque GK1 (omni atquec)R
8 omnique V
9 adgn. G (3 agdn.) KR
10 nunc ante ubi add. Vrec
11 quidem interest K1
12 ei' (= eius) in r. Vc et X ei ςVrec
13 spiritabilem V
14 faciem ... 13 locum et om. Hς
15 faciem aciem in r. V1
Tusculanae Disputationes. M. Tullius Cicero. M. Pohlenz. Leipzig. Teubner. 1918.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.