Click on a word to bring up parses, dictionary entries, and frequency statistics
[116]
his et talibus auctoribus usi confirmant causam rebus
a diis inmortalibus1 iudicatam.2 Alcidamas3 quidem,
rhetor antiquus in primis nobilis, scripsit etiam laudationem mortis, quae constat4 ex enumeratione humanorum malorum; cui rationes5 eae quae exquisitius
a philosophis colliguntur defuerunt, ubertas orationis6
non defuit. Clarae vero mortes7 pro patria oppetitae
non solum gloriosae rhetoribus, sed etiam beatae videri solent. repetunt ab Erechtheo,8 cuius etiam filiae
cupide9 mortem expetiverunt pro vita civium; commemorant Codrum, qui se in medios inmisit hostis
veste famulari,10 ne posset adgnosci,11 si esset ornatu [p. 278]
regio, quod oraculum erat datum,12 si rex interfectus
esset, victrices13 Athenas fore; Menoeceus14 non praetermittitur, qui item15 oraculo edito largitus est patriae
suum sanguinem; nam16 Iphigenia Aulide17 duci se
immolandam18 iubet, ut19 hostium20 eliciatur suo. veniunt inde ad propiora:21 Harmodius in ore est22 et Aristogiton; Lacedaemonius Leonidas, Thebanus Epaminondas viget. nostros non norunt, quos enumerare
magnum est: ita sunt multi, quibus videmus optabilis
mortes fuisse cum gloria.
Quae cum ita sint, magna tamen eloquentia est
utendum atque ita velut superiore e loco contionandum,23 ut homines mortem vel optare incipiant vel
certe timere desistant?24
1 imm. GR
2 iudicatis V2 Or. att. 2,155
3 alchidamus X ( supra u add. V2）
5 rationes s in r. Vc
6 rationis X (o add. Vrec）
7 mortis X (corr. Vrec）
8 erectheo GV erectheo R1 er&theo K
9 cupidae GR1 (a) add. Vahlen, Ges. ph. Schr. 1,569
10 famulari V familiari K (supra veste ss.. ad accidendum K2）
11 agn. V
12 datum sic si V (c in r. Vc）
13 victricis X ft. recte
14 menęceus K
15 qui item V (item in r. Vc) quidem GKRM quide P
16 add. Vahlen Opp. I, 101
17 auide V
18 immolandum V1
19 ut eqs. fort. hic Cicero ad locum poeticum allu- dit (negat Vahlen l. l.）
20 hostium V
21 propriora X
22 add. Rath
23 concion. V
24 desistant? interrogandi signum posuit Po.
Tusculanae Disputationes. M. Tullius Cicero. M. Pohlenz. Leipzig. Teubner. 1918.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.