Click on a word to bring up parses, dictionary entries, and frequency statistics
[54]
princeps huius civitatis Phalereus1 Demetrius
cum patria pulsus esset iniuria, ad Ptolomaeum se
regem Alexandream2 contulit. qui cum in hac ipsa3 philosophia, ad quam te hortamur, excelleret Theophrastique esset auditor, multa praeclara in illo calamitoso
otio scripsit4 non ad usum aliquem suum, quo erat
orbatus, sed animi cultus ille erat ei quasi quidam
humanitatis cibus. equidem e Cn. Aufidio, praetorio,
erudito homine, oculis capto, saepe audiebam, cum
se lucis magis quam utilitatis desiderio moveri diceret.
somnum denique nobis, nisi requietem corporibus et
medicinam quandam laboris afferret, contra naturam
putaremus datum; aufert enim sensus actionemque
tollit omnem. itaque si aut requietem natura non
quaereret aut eam posset alia quadam ratione consequi, facile pateremur, qui5 etiam nunc agendi aliquid
discendique causa prope contra naturam vigilias suscipere soleamus.6
20.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.