Click on a word to bring up parses, dictionary entries, and frequency statistics
[44]
etenim, si et sapere expetendum
sit et valere, coniunctum utrumque magis expetendum
sit quam sapere solum, neque tamen, si utrumque sit
aestimatione dignum, pluris sit coniunctum quam sapere ipsum separatim. nam qui valitudinem aestimatione
aliqua dignam iudicamus neque eam tamen in bonis
ponimus, idem censemus nullam esse tantam aestimationem, ut ea virtuti anteponatur. quod idem Peripatetici non tenent, quibus dicendum est, quae et honesta
actio sit et sine dolore, eam magis esse expetendam,
quam si esset eadem actio cum dolore. nobis aliter
videtur, recte secusne, postea; sed potestne1 rerum maior
esse dissensio?
14.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.