Click on a word to bring up parses, dictionary entries, and frequency statistics
[71]
Quapropter si ea, quae dixi, sole ipso illustriora et
clariora sunt, si omnia dixi hausta1 e fonte naturae, si
tota oratio nostra omnem sibi fidem sensibus confirmat,
[p. 31]
id est incorruptis atque integris testibus, si infantes pueri, mutae etiam bestiae paene loquuntur magistra
ac duce natura nihil esse prosperum nisi voluptatem,
nihil asperum nisi dolorem, de quibus neque depravate
iudicant neque corrupte,2 nonne ei maximam gratiam
habere debemus, qui hac exaudita quasi voce naturae
sic eam firme graviterque comprehenderit, ut omnes
bene sanos in viam placatae, tranquillae, quietae, beatae
vitae deduceret? Qui quod tibi parum videtur eruditus,
ea causa est, quod nullam eruditionem esse duxit, nisi
quae beatae vitae disciplinam iuvaret.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.