This text is part of:
Search the Perseus Catalog for:
Table of Contents:
Click on a word to bring up parses, dictionary entries, and frequency statistics
[123]
Habitari ait
Xenophanes in luna, eamque12 esse terram multarum
urbium et montium: portenta videntur; sed tamen nec
ille qui dixit iurare posset ita se rem habere, neque
[p. 89]
ego non ita. Vos3 enim4 etiam dicitis esse e regione nobis, e5 contraria parte terrae qui adversis vestigiis stent contra nostra vestigia,6 quos ἀντίποδας vocatis: cur mihi magis suscensetis qui ista non aspernor
quam is qui cum audiunt desipere vos7 arbitrantur?
Hicetas Syracosius, ut ait Theophrastus,8 caelum solem
lunam stellas supera denique omnia stare censet, neque praeter terram rem ullam in mundo moveri; quae9
cum circum axem se summa celeritate convertat et
torqueat, eadem10 effici omnia quasi stante terra caelum
moveretur. atque11 hoc etiam Platonem in Timaeo dicere quidam arbitrantur, sed paulo obscurius. Quid
tu Epicure, loquere: putas solem esse tantulum?
'Egone? nobis12 quidem ** tantum'. Et vos ab illo inridemini et ipsi ilium vicissim eluditis. liber igitur
a tali inrisione Socrates, liber Aristo Chius qui nihil
istorum sciri putat posse.
1 cf. Lact. inst. 3, 23, 12
2 immo Anaxagoras
3 add. Dav. ex Non.
4 del. Dav. cf. Non. an autem?
5 e in Ha. cum Non.
6 nec ego non ita. vos etiam ... nobis in c. ... stent ad contra vestigia Non. p. 102 (e regione). cf. Lact. inst. 3, 24, 1 epit. 34, 2 aug. civ. 16, 9 (a contraria parte terrae) Isid. orig. 9, 2, 133 Serv. georg. 1, 235
7 eis dett. Rom. Ven. eos ANB2 uis B1
8 theophrastum A1B1
9 quae F2N qua AB
10 uel (lZZZ eadem B1
11 Plato Tim. 40 B
12 nobis Faber uobis AB uos N ne bis Lb. tantulum, reapse vel paulo maiorem quam videtur aut minorem vel Pl. cf. Epic. ad Pythoclem Diog. L. 10, 91
Academicorum reliquiae cum Lucullo. M. Tullius Cicero. O. Plasberg. Leipzig. Teubner. 1922.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.