[28]
Sequitur enim: 'eius decreta rata sunto'. Nam ita se res
habet, ut si senatus dominus sit publici consilii,
quodque is creuerit defendant omnes, et si ordines
reliqui principis ordinis consilio rem publicam gubernari uelint, possit ex temperatione iuris, cum potestas
in populo, auctoritas in senatu sit, teneri ille moderatus et concors ciuitatis status, praesertim si proximae legi parebitur; nam proximum est: 'is ordo
uitio careto, ceteris specimen esto'.
Quintus
Praeclara uero, frater, ista lex sed et
late patet ut uitio careat ordo, et censorem requirit
interpretem.
Click on a word to bring up parses, dictionary entries, and frequency statistics