This text is part of:
Search the Perseus Catalog for:
Table of Contents:
Click on a word to bring up parses, dictionary entries, and frequency statistics
42.
[143]
'at alterum factitatum est, alterum novum.' fateor; sed
utriusque rei causa est. Alteros enim respondentes audire
sat erat, ut ei qui docerent nullum sibi ad earn rem tempus
ipsi seponerent, sed eodem tempore et discentibus satis
facerent et consulentibus; alteri, cum domesticum tempus
[p. 2045]
in cognoscendis componendisque causis, forense in agendis,
reliquum in sese ipsis reficiendisomne consumerent, quem
habebant instituendi aut docendi locum? atque haud scio
an plerique nostrorum oratorum contra atque nos1 ingenio
plus valuerint quam doctrina; itaque illi dicere melius2 quam
praecipere, nos contra fortasse possumus.
[144]
'at dignitatem
docere non habet.' certe, si quasi in ludo; sed si monendo,
si cohortando, si percontando, si communicando3, si interdum
etiam una legendo, audiendo, nescio cur cum4 docendo
etiam aliquid aliquando si possis5 meliores6 facere, cur nolis?
an quibus verbis sacrorum alienatio fiat docere honestum
est, ut est7: quibus ipsa sacra retineri defendique possint
non honestum est?
[145]
'at ius profitentur etiam qui nesciunt;
eloquentiam8 autem illi ipsi qui consecuti sunt tamen ea9 se
valere dissimulant10.' propterea quod prudentia hominibus
grata est, lingua suspecta. Num igitur aut latere eloquentia
potest aut id quod dissimulat effugit aut est periculum ne
quis putet in magna arte et gloriosa turpe esse docere alios
id quod ipsi fuerit honestissimum discere?
[146]
ac fortasse
ceteri tectiores; ego semper me didicisse prae me tuli. Qui11
enim possem, cum et12 afuissem domo13 adulescens et horum
studiorum causa maria14 transissem et doctissimis hominibus
referta domus esset et aliquae fortasse inessent in sermone
nostro doctrinarum notae cumque vulgo scripta nostra
legerentur, dissimulare15 me didicisse? Quid16 erat cur
probarem17 nisi quod parum fortasse profeceram?
1 contra atque nos om. L
2 melius docere L1
3 communicando A: commemorando L
4 cur cum vulg.: cur non AL eiecit Lambinus: cur secl. Bake: nescio cur ... etiam secl. Madvig
5 possis A: posses L: si possis vulg.
6 melius L
7 ut est om. A
8 eloquentiam A: eloquentia L
9 ea om. L: eam, tamen Stangl
10 dissimulat AL: dissimulatur Ernesti
11 qui vulg.: quid AL
12 et om. A
13 domo om. L
14 maria A: mare L
15 dissimularem L: dissimulare? non me Stangl
16 quid AL: qui codd. dett. erat cur om. A
17 improbarem Jahn
M. Tullius Cicero. M. Tulli Ciceronis Rhetorica, Tomus II. A. S. Wilkins. Oxonii. e Typographeo Clarendoniano. 1911. Scriptorum Classicorum Bibliotheca Oxoniensis.
The Mellon Foundation provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.