Click on a word to bring up parses, dictionary entries, and frequency statistics
[67]
Reliqui sunt Peripatetici et Academici;
quamquam Academicorum nomen est unum, sententiae
duae; nam Speusippus Platonis sororis filius et Xenocrates,
qui Platonem audierat, et qui Xenocratem Polemo
et Crantor, nihil ab Aristotele, qui una audierat Platonem,
magno opere dissensit; copia fortasse et varietate dicendi
pares non fuerunt: Arcesilas primum, qui Polemonem
audierat, ex variis Platonis libris sermonibusque Socraticis
hoc maxime adripuit, nihil esse certi quod aut sensibus aut
animo percipi possit; quem ferunt eximio quodam usum
lepore dicendi aspernatum esse omne animi sensusque
iudicium primumque instituisse—quamquam id fuit Socraticum
maxime—non quid ipse sentiret ostendere, sed contra
id, quod quisque se sentire dixisset, disputare.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.