Click on a word to bring up parses, dictionary entries, and frequency statistics
[45]
si modo quandam
in commune mediocrem intellegentiam conferent; non
facile autem, quod et infinitum est tot de rebus utram-
que in partem singillatim de una quaque explicare et
alias aliter haec in utramque partem causae solent
convenire. quare considerare haec, quae exposuimus,
oportebit. facilius autem ad inventionem animus in-
cidet, si gesti negotii et suam et adversarii narrationem
saepe et diligenter pertractabit et, quod quaeque pars
suspicionis habebit, eliciens considerabit, quare, quo
consilio, qua spe perficiundi quicque factum sit; hoc
cur modo potius quam illo; cur ab hoc potius quam
ab illo; cur nullo adiutore aut cur hoc; cur nemo sit
conscius aut cur sit aut cur hic sit; cur hoc ante fac-
tum sit; cur hoc ante factum non sit; cur hoc in ipso
negotio, cur hoc post negotium, an factum de industria
an rem ipsam consecutum sit; constetne oratio aut
cum re aut ipsa secum; hoc huiusne rei sit signum an
illius, an et huius et illius et utrius potius; quid fac-
tum sit, quod non oportuerit, aut non factum, quod
oportuerit.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.