Click on a word to bring up parses, dictionary entries, and frequency statistics
[144]
Ex contrariis autem legibus controversia nascitur,
cum inter se duae videntur leges aut plures discrepare,
hoc modo: lex: qui tyrannum occiderit, olympio-
nicarum praemia capito et quam volet sibi rem
a magistratu deposcito et magistratus ei con-
cedito. et altera lex: tyranno occiso quinque eius
proximos cognatione magistratus necato. Alexan-
drum, qui apud Pheraeos in Thessalia tyrannidem occu-
parat, uxor sua, cui Thebe nomen fuit, noctu, cum si-
mul cubaret, occidit. haec filium suum, quem ex ty-
ranno habebat, sibi in praemii loco deposcit. sunt qui
ex lege occidi puerum dicant oportere. res in iudicio est.
In hoc genere utramque in partem idem loci atque
eadem praecepta convenient, ideo quod uterque suam
legem confirmare, contrariam infirmare debebit.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.