Click on a word to bring up parses, dictionary entries, and frequency statistics
[81]
Quod autem pro signo sumetur, id ex isdem locis,
quibus confirmatur, infirmabitur. nam in signo primum
verum esse ostendi oportet; deinde esse eius rei signum
proprium, qua de agitur, ut cruorem caedis; deinde
factum esse, quod non oportuerit, aut non factum, quod
oportuerit; postremo scisse eum, de quo quaeritur, eius
rei legem et consuetudinem. nam eae res sunt signo
adtributae; quas diligentius aperiemus, cum separatim
de ipsa coniecturali constitutione dicemus. ergo horum
unum quodque in reprehensione aut non esse signo
aut parum magno esse aut a se potius quam ab ad-
versariis stare aut omnino falso dici aut in aliam quo-
que suspicionem duci posse demonstrabitur.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.