[30]
atque etiam illud scire ex te cupio, quo consilio aut qua
mente feceris ut in epulo Q. Arri, familiaris mei, cum toga
pulla accumberes? quem umquam videris, quem audieris?
quo exemplo, quo more feceris? dices supplicationes te
illas non probasse. optime: nullae fuerint1 supplicationes.
videsne me nihil de anni illius causa, nihil de eo quod tibi
commune cum summis viris esse videatur, sed de tuis propriis
sceleribus ex te quaerere? nulla supplicatio fuerit.
cedo quis umquam cenarit atratus? ita enim illud epulum
est funebre ut munus sit funeris, epulae quidem ipsae dignitatis.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 fuerint Angelius: fuerunt codd.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.