[51]
an hoc dubium est quin neque verborum tanta copia sit
non modo in nostra lingua, quae dicitur esse inops, sed ne
in alia quidem ulla, res ut omnes suis certis ac propriis vocabulis
nominentur, neque vero quicquam opus sit verbis, cum
ea res cuius causa verba quaesita sint intellegatur? quae
lex, quod senatus consultum, quod magistratus edictum,
quod foedus aut pactio, quod, ut ad privatas res redeam,
testamentum, quae iudicia aut stipulationes aut pacti et conventi
formula non infirmari ac convelli potest, si ad verba
rem deflectere velimus, consilium autem eorum qui scripserunt
et rationem et auctoritatem relinquamus?
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.