[224]
quodsi
ille hoc unum agitare coeperit, esse aliquod genus cogendae
pecuniae senatorium1 commune et iam prope concessum2
ordini, quo genere ab sociis maxima pecunia per summam
iniuriam auferatur3, neque id ullo modo senatoriis iudiciis
reprehendi posse, idque, dum equester ordo iudicarit4, numquam
esse commissum, quis obsistet? quis erit tam cupidus
vestri5, tam fautor ordinis, qui de transferendis6 iudiciis possit
recusare?
atque utinam posset aliqua ratione hoc crimen quamvis
falsa, modo humana atque usitata defendere: minore
periculo vestro, minore periculo provinciarum omnium
iudicaretis. negaret hac aestimatione se usum, vos id
credidissetis: homini7 credidisse, non factum comprobasse
videremini8. nullo modo negare potest; urgetur a tota
Sicilia; nemo est ex tanto numero aratorum a quo pecunia
cellae nomine non sit exacta.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 senatorium VO: senatorum p rell.
2 aut p, corr. et iam p2
3 auferatur V p rell.: avertatur c (?) Lamb., avertantur O (§181 supra) id ullo cO: ullo V, ut videtur: illud p rell.
4 iudicarit O: iudicauit V: iudicaret p vulg.
5 vestrum cO
6 transferundis O
7 hominibus cO.
8 Mance π id vos credidisse hominum factum comprobasse videremini
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.