[55]
quid enim huic rei respondere
poteris, Fanni? Cum de sua parte Roscius transegit cum
Flavio, actionem tibi tuam reliquit an non? si non reliquit,
quem ad modum HS ccciↃↃↃ ab eo postea exegisti?
si reliquit, quid ab hoc petis quod per te persequi et petere
debes? simillima enim et maxime gemina societas hereditatis
est; quem ad modum socius in societate habet partem,
sic heres in hereditate habet partem. Vt heres sibi
soli non coheredibus petit, sic socius sibi soli non sociis
petit; et quem ad modum uterque pro sua parte petit,
sic pro sua parte dissolvit, heres ex ea parte qua hereditatem
adiit, socius ex ea qua societatem coiit.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.