[68]
quod officium, C.
Aquili, commemorari procuratoris potest
quod ab Alfeno praeteritum esse videatur? quid adfertur
qua re P. Quinctius negetur absens esse defensus? an vero
id quod Hortensium, quia nuper iniecit et quia Naevius
semper id clamitat, dicturum arbitror, non fuisse Naevio
parem certationem cum Alfeno illo tempore, illis
dominantibus? quod si velim confiteri, illud, opinor, concedent,
non procuratorem P. Quincti neminem fuisse, sed gratiosum
fuisse. mihi autem ad vincendum satis est fuisse
procuratorem quicum experiretur; qualis is fuerit, si modo absentem
defendebat per ius et per magistratum, nihil ad rem arbitror
pertinere.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.