[36]
negamus te bona P. Quincti, sex.
Naevi, possedisse
ex edicto praetoris. in eo sponsio facta est. ostendam
primum causam non fuisse cur a praetore postulares ut
bona P. Quincti possideres, deinde ex edicto te possidere
non potuisse, postremo non possedisse. quaeso, C. Aquili
vosque qui estis in consilio, ut quid pollicitus sim
diligenter memoriae mandetis; etenim rem facilius totam
accipietis, si haec memineritis, et me facile vestra
existimatione revocabitis, si extra hos cancellos egredi conabor quos
mihi ipse circumdedi. nego fuisse causam cur postularet,
nego ex edicto possidere potuisse, nego possedisse. haec
tria cum docuero, peroraro.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.