This text is part of:
Search the Perseus Catalog for:
Click on a word to bring up parses, dictionary entries, and frequency statistics
MICIO. DEMEA.
Mi.
Parata a nobis sunt, ut dixi, Sostrata,
Ubi vis. Quisnam a me pepulit tam graviter fores?
De.
Hei mihi, quid faciam? quid again? quid clamem aut querar?
O coelum, O terra, O maria Neptuni!
Mi.
IIem tibi:
5Rescivit omnem rem; id nunc clamat scilicet:
Paratae lites; succurrendum est.
De.
Eccum adest
Communis corruptela nostrum liberum.
Mi.
Tandem reprime iracundiam, atque ad te redi.
De.
Repressi, redii: mitto maledicta omnia:
10Rem ipsam putemus: dictum hoc inter nos fuit,
Ex te adeo est ortum, ne tu curares meum,
Neve ego tuum? responde.
Mi.
Factum est; non nego.
De.
Cur nunc apud te potat? cur recipis meum?
Cur emis amicam Micio? Numqui minus
15Mihi idem ius aequum est esse quod mecum est tibi?
Quando ego tuum non euro, ne cura meum.
Mi.
Non aequum dicis; non; nam vetus verbum hoc quidem est;
Communia esse amicorum inter se omnia.
De.
Facete! nunc demum istaec nata oratio est.
Mi.
20Ausculta paucis, nisi molestum est, Demea.
Principio, si id te mordet, sumtum filii
Quem faciunt, quaeso facito haec tecum cogites:
Tu illos duos olim pro re tollebas tua,
Quod satis putabas tua bona ambobus fore,
25Et me tum uxorem credidisti, scilicet,
Ducturuml: eandem illam rationein antiquam obtine:
Conserva, quaere, parce: fac quam plurimum
Illis relinquas: gloriam tu istam obtine.
Mea, quae praeter spem evenere, utantur sine.
30De summa nihil decedet: quod hinc accesserit,
Id de luero putato esse omne. Haec si voles
In animo vere cogitare, Demea,
Et mihi, et tibi, et illis demseris molestiam.
De.
Mitto rem: consuetudinem ipsorum.
Mi.
Mane:
35Scio: istuc ibam. Multa in homine, Demea,
Signa insunt ex quibus coniectura facile fit,
Duo quum idem faciunt, saepe ut possis dicere,
Hoc licet impune facere huic, illi non licet;
Non quod dissimilis res sit, sed quod is qui facit:
40Quae ego illis inesse video, ut confidam fore
Ita ut volumus: video sapere, intelligere, in loco
Vereri, inter se amare: scires liberum
Ingenium atque animum; quovis illos tu die
Reducas. At enim metuas ne ab re sint tamen
45Omissiores paullo. O noster Demea,
Ad omnia alia aetate sapimus rectius:
Solum unum hoc vitium senectus affert hominibus;
Attentiores sumus ad rem omnes quam sat est:
Quod illos sat aetas acuet.
De.
Ne nimium modo
50Bonae tuae istae nos rationes, Micio,
Et tuus iste animus aequus, subvertant.
Mi
Tace:
Non fiet: mitte iam istaec: da te hodie mihi:
Exporge frontem.
De.
Scilicet, ita tempus fert;
Faciendum est: caeterum rus eras cum filio
55Cum primo lucu ibo hinc.
Mi.
Immo de note censeo;
Hodie modo hilaruni fac te.
De.
Et istam psaltriam
Una illuc mecum hinc abstraham.
Mi.
Pugnaveris.
Eo pacto prorsum illic alligaris filium:
Modo facito ut illam serves.
De.
Ego istuc videro:
60Atque illi favillae plena, funi, ac pollinis,
Coquendo sit faxo, et molendo: praeter haec
Meridie ipso faciam ut stipulam colligat:
Tam excoctam reddam atque atram quam carbo est.
Mi.
Placet:
Nunc mihi videre sapere; atque equidem filium
65Tum etiam si nolit cogam ut cum illa una cubet.
De.
Derides? fortunatus qui istoc animo sies.
Ego sentio--
Mi.
Ah, pergisne?
De.
Iam iam desino.
Mi.
I ergo intro, et cui rei est ei rei hunc sumamus diem.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.