Hide browse bar
Your current position in the text is marked in blue. Click anywhere in the
line to jump to another position:
Search the Perseus Catalog for:
Table of Contents:
Click on a word to bring up parses, dictionary entries, and frequency statistics
68.
ὅσα δὲ κατὰ τὰ ἄρθρα τὰ κατὰ τοὺς δακτύλους ἀποκόπτεται τελείως,
ταῦτα ἀσινέα τὰ πλεῖστά ἐστιν,
εἰ μή τις ἐν αὐτῇ
τῇ τρώσει λειποθυμήσας βλαβείη:
καὶ ἰητρείη φαύλη ἀρκέσει τῶν
τοιούτων ἑλκέων.
ἀτὰρ καὶ ὅσα μὴ κατὰ τὰ ἄρθρα,
ἀλλὰ κατ᾽
ἄλλην τινὰ ἴξιν τῶν ὀστέων ἀποκόπτεται,
καὶ ταῦτα ἀσινέα ἐστὶ,
καὶ ἔτι εὐαλθέστερα τῶν ἑτέρων:
καὶ ὅσα κατὰ τοὺς δακτύλους ὀστέα
κατεηγότα ἐξίσχει μὴ κατὰ τὸ ἄρθρον,
καὶ ταῦτα ἀσινέα ἐστὶν
ἐμβαλλόμενα.
Ἀποκόψιες δὲ τέλειαι ὀστέων καὶ κατὰ τὰ ἄρθρα καὶ
ἐν ποδὶ,
καὶ ἐν χειρὶ,
καὶ ἐν κνήμῃ,
τοῖσι παρὰ τὰ σφυρὰ,
καὶ
ἐν πήχεϊ,
τοῖσι παρὰ τοὺς καρποὺς,
τοῖσι πλείστοισιν ἀποκοπτομένοισιν ἀσινέα γίνεται,
ὅσα ἂν μὴ αὐτίκα λειποθυμίη ἀνατρέψῃ,
ἢ τεταρταίοισιν ἐοῦσι πυρετὸς ξυνεχὴς ἐπιγένηται.